كـرتـونـة يتـحـدى الأسـاطـيـل

من طرف **sasa~mafia** الأحد أغسطس 30, 2009 7:17 pm

دليل على ان شعب مصر بيتمتع بروح دعابة ليس لها مثيل

رغم كل الظروف شوفو كده اللى بيتكتب على ضهر عربيات النقل والميكروباسات

هتلاقو حاجات تفطس من الضحك

الأول أكيد كلكو شفتو أشهر جملة بتتكتب على عربيات النقل

يقينى بالله يقينى

أنا قعدت كتير جدا على ما أفهمها , دى طلع فيها جناس تام

وكمان بلاغة
هقول هنا اللى هفتكره أو اللى لحقت أصوره, وياريت اللى حد عنده حاجة يقولها ونعمل فى الأخر توب توينتى

ده واحد كان بيدلع عربيته الحمرا :

وده حكيم حكيم حكيييييييييييم:

السبع لو مال , حبة عيال ياكلوه

من الملحوظ أيضا الخوف المرضى من الحسد

كل سواق من دول حاسس ان كل الناس متجمعين بس عشان يحسدوه

فهتلاقى الكف الازرق متلزق بكثرة وساعات كف دم

وهتلاقى جمل زى:

متبصليش بعين رضية , شوف اللى اتدفع فيا

ماتبصش يا عبيط , دى جاية بالتقسيط

ماتبصش يا لوح دى جاية بطلوع الروح

يا ناس يا شر كفاية قر

العين صابتنى ورب العرش نجانى

بيحسدونى عليكى وانتى سر عذابى

عضة أسد ولا نظرة حسد

وطبعااااااااااااا الشعب المتمحك فى الدين لازم تلاقى آية قرآنية زى:

فأغشيناهم فهم لا يبصرون

طبعا قصده على بتوع المرور

فيه سواقين فتوات , دول غالبا أصحاب النقل الثقيل تلاقيهم بيخوفوك بجمل من نوع:

تخش فى الأسمنت ولا تهرج مع عفريت الأسفلت

لا تقوللى صاروخ ولا طيارة , دى صاحبها الأسطى عمارة

تعمل حسابى أقدرك , تهزر معايا أعورك

ودول بقى
miscellaneous:

على وزن أغنية أم كلثوم: ماخطرتش فى بالك يوم تركب عندى؟

صامولة ومسمار وربك الستار

سولار فى التنك ولا دولار فى البنك

الأسفلت منور ليه , أبو منار ماشى عليه

طريق السلامة ياسطى شحتة (مع ألف سلامة ياخويا)

الحلوة اسمها عنايات , وطالعلها أربع عجلات

أما عن الصورة الأخيرة دى فى رأيى انها قنبلة والمفروض تاخد المركز الأول فى التوب توينتى لأنها جدييييييييييييييييييييييييييدة