عجائب ايطاليا

من طرف **scorpion1088** السبت أغسطس 29, 2009 12:15 am

روما الإيطاليه كنت اتمشى و مريت على هذي البوابه الكبيره

اعجبني منظرها وقلت يالله ندخل ونشوف وش وراها, صارت هذي البوابه تودي لجسر للمشاة

عجائب ايطاليا Dsc00304smallmv0

وهذا الجسر يمر على نهر

عجائب ايطاليا Dsc00284smalldx0

الجهه المقابله من النهر

عجائب ايطاليا Dsc00286smalldz7

وانا جالس ادربي راسي لفت نظري وجود شي غريب على هذا الجسر المفروض مايكون هذا مكانه ابداً لكن وش جاب هذا الشي هنا؟!!!

شفتلي بنت عندها طاوله عليها عشرات الاقفال !!!

عجائب ايطاليا Dsc00287smallfd1

!!!!!

وش جاب هذي الاقفال على جسر مافيه ولا باب عشان يتقفل؟؟!!

في العاده اشوف ناس يبيعون ورد او نظارات وشنط يدويه او عده ومفكات لكن اقفال غريييبه!!!

رجعت التفت للجهه الثانيه شفتلي وجه مألوف لي

بنقالي عنده طاوله ثانيه لكن اكبر وعليها بعد اقفال

عجائب ايطاليا Dsc00350smallul5

وجع!! ::لا

وش يسوون هذولي؟

وشهيله هذي الاقفال؟

رحت للبنقالي قلت له انت عايش هنا من زمان

قال لي 15 سنه وكان يتكلم لغه البلد بطلاقه

قالي انت سعودي (طلع ذهين)

قلت ايه

قال انا اشتغلت في السعوديه قبل 15 سنه لكن الحين نسيت اللغه العربيه

المهم قلت وش تشتغل الحين

قال ابيع اقفال

تمام وصلت للي ابي

قلت له ليش تبيع اقفال؟

قال عشان اي واحد يحب وحده او يبغى يهدي زوجته هديه

!!!

قلت له يهدي حبيبته او زوجته قفل؟!

قال لا.. يشترونه مني ويكتبون اساميهم عليه ويحطون التاريخ وبعدين يقفلونه في المواصير المنتشره على الجسر وبعدين يرمون المفتاح في النهر

قلت ليش هذا كله؟

قال علشان يبقون يحبون بعض ولا ينفصلون عن بعض طول ماهذا القفل في مكانه ومقفل

بعدين قالي انت ماتشوف المواصير اللي على الجسر كيف مليانه من الاقفال واشر لها

انا طالعت للمواصير وذهلت من المنظر شي مهول اعداد هائله من الاقفال على كل ماصوره وكل عمود وكل زاويه وفي اي مكان يصل له القفل

طلعت الكمره وصرت اصور العمدان والمواصير في كل مكان الين تعبت

.

.

.

.

عجائب ايطاليا Dsc00283smallpv5