اسئلة من الواقع المرير

من طرف **احمد ماهر** الجمعة سبتمبر 11, 2009 2:45 am

– بدأت التعليم وأنت عندك 6 سنين ودخلت المدارس وأتمرمطت من المدرسين علشان إيه :-

أ- تنجح وتستفيد بتعليمك
ب- ولا حاجة بس أهو منظر
ج- شوية فلوس مع أبويا وبيصرفهم

2 – دخلت الإعدادي وقربت من مرحلة الشباب تعمل إيه : -

أ- خناق ومشاكل
ب- تعقل وتبقي راجل
ج- ياعم سيبك أهي أيام وبنعيشها .

3 – ثانوي بقي يا جميل وتحديد المستقبل ... ها نويت علي إيه :-

أ- يا علمي يا أدبي
ب- أبويا وأمي هيختارولي
ج- والله مش فارقه كله محصل بعضه .

4 – كليتك جميلة نظيفة أنيقة وفيها كل حاجة تساعدك علي النجاح :-

أ- فين الموزز
ب- الكافيتريات بره حكاية
ج- من نام وارتاح ضمن النجاح .

5 – ها هتنجح السنة دي ولا زى كل سنه :-

أ- أنا عاوز اطلع رحلة
ب- الدكتور مستقصدني
ج- هيه الكلية بتاعتنا كام سنة

6 – يا عم أتلم وأقعد ذاكر في البيت :-

أ- لا أنا مستني المذكرات
ب- هروح أخد كورس عند المعيد
ج- أنا مش طايق البيت أساسا

7 – عندك بكرة امتحان مهم جدا :-

أ- هذاكر بس أنام شوية
ب- أنا مخلص المادة أساسا
ج- مليش نفس أروح الامتحان

8 – سمعت عن السجاير والمخدرات :-

أ- أعوز بالله
ب- ولا ليا فيهم أساسا
ج- أديني الحقنة بسرعة أرجوك محتاج الجرعة

9 – سقطت يا فالح طب والعمل إيه دلوقتي :-

أ- هذاكر من منازلهم
ب- هعوض السنة الجايه وهنتظم
ج- ماله الشغل

10 – ياااااااه أخيرا خلصت كليتك ... نويت علي إيه إن شاء الله :-

أ- هدور علي شغل
ب- مستني الجيش
ج- أبويا هيصرف عليا

11 – تشتغل بتعليمك وفلوس قليلة ولا تشتغل في غير مجالك وهتعيش في الفته

أ- أحب الفته وأعوم في الشوربة
ب- مجالي مجالي ولو هيبوظ حالي
ج- شغل مين ياعم أنت

12- بنت الحلال جه وقتها ... لقيتها ولا هتدور :-

أ- زميلتي في الكلية
ب- فين الخاطبة
ج- طب فين الشقة

13 – رأيك إيه في اللي بيحصل في البلد :-

أ- وانا مالي
ب- البلد مية مية
ج- مش كنا بنتكلم في العروسة

14- كرهت العيشة والدنيا ولا لسه :-

أ- ولا كأني قريت حاجة
ب- إيه الكلام العبيط ده
ج- الدنيا حلوة واحلي سنين

ودمتم

من طرف **Survivor** السبت سبتمبر 12, 2009 11:58 am

Tomorrow will never die

اسئلة من الواقع المرير

اسئلة من الواقع المرير

رد: اسئلة من الواقع المرير