برنامج (سيرة ذاتية )

برحب بيك جدا فى برنامجى يا مصطفى
وانت دلوقتى عرفت ايه الاجابيات والسلبيات اللى انت فيها ومتهيقلى ان السلبيات كتير
يعنى بطلت كونغ فو ليه حاول ترجع تانى حاول تحط اهداف حاول تحقق حلمك متعتمدش على الواسطة
مع انى عارف انها عاملة زى رغيف العيش بس حاول على اد امكانياتك وظروفك حاااااااول تبطل السجاير
حتقولى مش عارف حقولك ادعى ربنا يقويك انك تبطل وعوضها بأى حاجة تانية ومتفكرش فيها
ليه بتقطع فى الصلاة دى اول حاجة حنتحاسب عليها .
معلش يا مصطفى متزعلش منى لو كلامى تقيل عليك شوية بس البرنامج بينلك ايه وضعك دلوقتى وهل انت ماشى فى الطريق الصح ولا واقف مش عارف تمشى ولا ماشى فى الطريق الغلط وياريت كلنا نفوق شوية لنفسينا وعلى فكرة انت نسيت تحط موسيقى تصويرية لنهاية حلقتك
وفى نهاية حلقة مصطفى انا بشكره على وجوده معانا فى البرنامج وبشكره على صراحته
يالله انزل بالتتر .

1- الاسم : محمد
2- السن : 25
3- البلد : ام الدنيا
4- الوظيفة : مهندس كهرباء
5- الهوايات : كرة القدم - الكمبيوتر - البرمجيات - الالعاب الحربية - كرة القدم بمختلف انواعها
6- اهدافى : كل مرحلة فى حيات الانسان ليها احلامها بس الهدف الكبير اللى لسه محصلش ان اكون عضو صالح فى المجتمع عندى اسرة صغيرة تكون خير أثر لى فى الدنيا
7- احلامى : اكون صاحب شركة او مصنع
8- هل حققت احلامك او اخذت خطوات ايجابية لتحقيق ولو حلم من احلامك؟ : بعض الاحلام والاهداف الجزئية زى الوظيفة مثلا بس الحلم الكبير فى الطريق انشاء الله وبدات فى اولى الخظات الايجابية على ما اعتقد
9- ايه الاسباب والظروف اللى وقفت ضدك اثناء تحقيق حلمك والتى جعلتك لم تحققه؟ الحمد لله لسه شوية لحد دلوقتى
10- هل تحب الرياضة وما هى رياضتك المفضلة؟ بحبها وخاصة كرة القدم
11- ما هى العادات السيئة التى تتمنى ان تقلع عنها؟ التدخين
12- مشروع بدأت فيه ولم تكمله؟ انشاء ورشة الكترونيات
13- هل انت صبور؟ اللى حد ما بس مش دايما نفسى اوصل بسرعة انسان بقى ياسيدى
14- هل انت متفائل ام متشائم؟ الحمد لله مؤمن بأن اليوم الحلو فى حياتى لسه ماعشتهوش
15- هل انت متدين؟ نفسى
16- سؤال تضعه انت بأختيارك وتجاوب عليه
السؤال : لو ليك الختيار تحب تكون مين؟
الإجابة : اكون زى ما ربنا خلقى هو عايز كده.


-------------------------------------------------------

مشكور يا اسلام على المجهود الرائع ده بجد فكره جامدة موت وياريت كل الناس تشترك ونستخدمها فى عمل سجل للموقع والناس بتاعت البيسك تشتغل شوية وتعمله على سوفت وير



مشكور على المجهود

مع تانى حلقة فى برنامجنا انا برحب بالباش مهندس محمد
واتمنى انه اللى هو قال عليه يحققه وربنا يوفقه فيه بس فى حاجة يا محمد نسيتها
فين الموسيقى التصويرية ليه بتنسوها مش كل مرة انا اللى حقول انزل يابنى بالتتر
مشكور جدا يا باش مهندس واتمنالك كل خير

أولا بحب أشكرك على الموضوع الجميل ده ياأسلام
ثانيا أحب أشارك معاك وأجاوب على الأسئله

1 - الأسم : محمد
2 - السن : 25 سنه
3 - البلد : مصر
4 - الوظيفة : عاطل على باكلوريوس تجارة أقصد (حاصل)
5 - الهوايات : الكمبيوتر والأنترنت والشطرنج والقراءه ومشاهدة الأفلام الأجنبية
6 - اهدافى وطموحاتى : الأستقرار
7 - أحلامى : رضا ربنا عليا /رضا أهلى وأصدقائى وقبلهم نفسى /العمل فى وظيفة محترمة / العثور على بنت الحلال ( الأستقرار )
8 - هل حققت احلامى او اخذت خطوات ايجابية لتحقيق ولو حلم من احلامى : لم أحقق مع أنى أخذت خطوات أيجابية
9 - ايه الاسباب والظروف اللى وقفت ضدك اثناء تحقيق حلمك والتى جعلتك لم تحققه : الظروف متمثلة فى (المال و المكان والزمان والأشخاص الغير مناسبين )
10 - هل تحب الرياضة وما هى رياضتك المفضلة : نعم أحبها (شطرنج) كمال أجسام بس مكسل أروح
11 - ما هى العادات السيئة التى تتمنى ان تقلع عنها : التدخين -العصبية -أستسهال الأمور
12 - مشروع بدأت فيه ولم تكمله : تربية الحمام الأجنبى
13 - هل انت صبور : أحيانا
14 - هل انت متفائل ام متشائم : متفائل
15 - هل انت متدين : الحمد لله
16 - سؤال تضعه انت بأختيارك وتجاوب عليه :
السؤال : أنت مين وعايز أيه؟
الأجابة : !!!!!!!!!
الموسيقى : أغنية على الحجار فى مسلسل ذئاب الجبل قالوا علينا ديابه وأحنا ياناس غلابه يامغنواتى غنى حكايتنا على الربابه الى أخر الأغنيه


والسلام عليكم

ومع الحلقة التالتة والمثيرة مع محمد اللمض الجميل عجبتنى يا حمو
فى كام تعليق عاطل على بكالوريوس تجارة ولخصت كل احلامك فى الاستقرار
بس فى كلمة مكنتش عايزك تقولها ( مكسل اروح ) وخصوصا فى كمال الاجسام يالا نروح من بكرة
واهم حاجة فى احلامك قلت اجابة حسستنى بجو روحانى ( رضا ربنا عليا ) اللهم على طاعتك اعنا
وفجأة يا جماعة محمد يقفشنى ويقولى انت مين وعايز اييييه ده كلام يا عبد المعطى ده كلالالالالام يا عبد المعطى شوف الواد
بس فجأة صلحتنى وحطيت موسيقى تصويرية لايقة جدا على الحلقة
نورتنا يا محمد وبشكرك انك قبلت دعوتنا فى البرنامج
المرة دى مش حقول انزل يا ابنى بالتتر علشان محمد عمل التتر اللى اللقاء فى الحلقات القادمة
مع اطيب تحياتى

sunset كتب:برحب بيك جدا فى برنامجى يا مصطفى
وانت دلوقتى عرفت ايه الاجابيات والسلبيات اللى انت فيها ومتهيقلى ان السلبيات كتير
يعنى بطلت كونغ فو ليه حاول ترجع تانى حاول تحط اهداف حاول تحقق حلمك متعتمدش على الواسطة
مع انى عارف انها عاملة زى رغيف العيش بس حاول على اد امكانياتك وظروفك حاااااااول تبطل السجاير
حتقولى مش عارف حقولك ادعى ربنا يقويك انك تبطل وعوضها بأى حاجة تانية ومتفكرش فيها
ليه بتقطع فى الصلاة دى اول حاجة حنتحاسب عليها .
معلش يا مصطفى متزعلش منى لو كلامى تقيل عليك شوية بس البرنامج بينلك ايه وضعك دلوقتى وهل انت ماشى فى الطريق الصح ولا واقف مش عارف تمشى ولا ماشى فى الطريق الغلط وياريت كلنا نفوق شوية لنفسينا وعلى فكرة انت نسيت تحط موسيقى تصويرية لنهاية حلقتك
وفى نهاية حلقة مصطفى انا بشكره على وجوده معانا فى البرنامج وبشكره على صراحته
يالله انزل بالتتر .

سوري علي التأخير ..
انا مكنتش فاهم التتر ده ايه بس فهمته خلاص

انزل بأغنية اتخنقت لا زهقت من الحياة ومن الي فيها والبيت والي فيه.......اغنية سعد الصغير

فين باقى الاعضاء احنا بسم الله ما شاء الله كتير
مفيش غير ثلاث اعضاء بس هم اللى نورونى فى البرنامج
انا ببعت دعوة تانى من جديد وبقول لكل اعضاء المنتدى لازم يشاركوا فى البرنامج
مستنى ضيوف جدد فى برنامج المنتدى سيرة ذاتية

مع اطيب وارق تحياتى